Poetry SMS


Add Your SMS

Ab Na Woh Shor Na Woh Shor Machaane Waale

Khaak Se Baith Gaye Khaak Uraane Waale,

Yeh Alag Baat Muyassar Lab-e-Goyaa Na Howa
Dil Mein Woh Dhoom K Sunte Hain Zamaane Waale,

Dil Saa Wehshi kabhi Qaabu Mein Na Aayaa Yaaro
Haar kar Baith Gaye Jaal Bichaane Waale,

Teri Qurbat Mein Guzaare Howe kuch Lamhe Hain
Dil ko Tanhaai kaa Ehasaas Dilaane Waale.
By: Admin Category: Poetry SMS 324 Likes 2 Months ago


Koi kaantaa Chubhaa Nahi Hotaa,

Dil Agar Phool Saa Nahi Hotaa,

kuch To Majbuuriyaan Rahi Hongi
Yoon koi Bewafaa Nahi Hotaa,

Guftagu Un Se Roz Hoti Hai
Muddaton Saamnaa Nahi Hotaa,

Jee Bohut Chahataa Sach Bolen
kiya karen Hosalaa Nahi Hotaa,

Raat kaa Intazaar kon kare
Aaj kal Din Mein kyaa Nahi Hotaa.
By: Admin Category: Poetry SMS 281 Likes 2 Months ago


Shaam-e-Firaaq, Zakhm-e-Jigar Aur Yeh Gazal

Yaaden Tumhari, Deeda-e-Tar Aur Yeh Gazal,

Jee Chahne Laga Hai Karoon Pher Se Tere Naam
Ek Shaam Aur Aik Shair Aur Yeh Gazal.
By: Admin Category: Poetry SMS 293 Likes 2 Months ago


Ek Ek Pathar Jor Kay Maine Jo Deewaar Banai Thi

Jhaanko Us kay Peeche To Ruswaai Hi Ruswaai Thi,

Yoon Lagta Hai Sote Jaagte Auron ka Mohtaaj Hoon
Aankhen Meri Apni Hain Par In Mein Neend Parai Hai,

Dekh Rahe Hain Hayrat Se Sab Neele Paani Ko
Pooche Kon Samundar Se Tujh Mein Kitni Gehraai Hai,

Aaj Howa Maloom Mujhe Is Shaher K Chand Saayon Se
Apni Raah Badalte Rehna Sab Se Bari Danaai Hai,

Tor Gaye Paymaan-e-Wafa Is Dard Mein Kaise Kaise Log
Yeh Mat Soch "Qateel" Kay Bas Ek Yaar Tera Harjaai Hai.
By: Admin Category: Poetry SMS 284 Likes 2 Months ago


Mujhe Chahe Na Chahe Dil Tera, Tu Mujhko Chah Barhane De

Ek Pagal Paremi Ko Apni Chaahat kay Naghme Gaane De,

Tu Raani Parem Kahaani ki Chup Chaap Kahani Sunti Jaa
Yeh Parem Ki Bani Sunti Jaa, Paremi Ko Geet Sunanae De,

Yeh Chahat Mera Jazba Hai Mere Dil ka Meetha Naghma
In Baaton Se Kiya Kaam Tujhe In Baaton Ko Keh Jaane De,

Tu Door Akeli Baythi Hai Sunkh Sundarta Ki Masti Mein
main Door Bahaa Jaata Hoon parem nadi Mein, Beh Jaane De,

gar Bhoole Se Is Jazbe Ka Tu Geet Jawaabi, Gaa Baythi
Yeh Jaadu Sab Mit Jaayega Is Ko Joban Par Aane De,

Haan jeet Mein Koi Nahi Hai Nasha, Yeh Baat Hai Jeet Se Doori Mein
Jo Raah Raseeli Chalta Hoon Is Raah Par Chalta Jaane De.
By: Admin Category: Poetry SMS 290 Likes 2 Months ago


Mayoos mat hona, ye aik gunah hota hai,

Milta wahi hai jo qismat mai likha hota hai...
Har cheez mile hume, ye zaruri to nahi,
Kuch cheezon ka zikar doosre jahan mai bhi hota hai.
By: Admin Category: Poetry SMS 285 Likes 2 Months ago


Kaheen Aah Ban Kay Lab Pe Tera Naam Aa Na Jaay,

Tujhe Bewafa Kahoon Main Woh Maqaam Aa Na Jaay,

Zara Zulf Ko Sambhalo Mera Dil Dharak Raha Hai
Koi Aur Tair-e-Dil Tah-e-Daam Aa Na Jaay,

Jise Sun Kay Toot Jaay Mera Aarzu Bhara Dil
Teri Anjuman Se Mujh Ko Woh Piyaam Aa Na Jaay,

Woh Jo Manzilon Pe Laa Kar Kisi Humsafar Ko Looten
Unhi Rahzanu Mein Tera Kaheen Naam Aa Na Jaay,

Isi Fikar Mein Hain Galtaan Yeh Nizaam-e-Zar K Bande
Jo Tamaam Zindgi Hai Woh Nizaam Aa Na Jaay,

Yeh Mah-o-Najoom Hans Lein Mere Aansuon Pe "Jalib"
Mera Mahtaab Jab Tak Lab-e-Baam Aa Na Jaay.
By: Admin Category: Poetry SMS 285 Likes 2 Months ago


Andheri Raat Mein Rehte To Kitna Acha Tha

Hum Apni Zaat Mein Rehte To Kitna Acha Tha,

Dukhun Ne Baant Liya Hai Tumhare Bad Humen
Tumhari Baat Mein Rehte To Kitna Acha Tha
By: Admin Category: Poetry SMS 290 Likes 2 Months ago


Har Shay Hai Pur Malaal Bari Tez Dhoop Hai

Har Lab Pe Hai Sawaal Bari Tez Dhoop Hai,

Chakraa K Gir Na Jaaon Main Is Tez Dhoop Mein
Mujh Ko Zara Sambhaal Bari Tez Dhoop Hai,

De Hukm Badilon Ko Khiyabaan Nasheen Hoon
Jaam-o-Sabu Uchaal Bari Tez Dhoop Hai,

Mumkin Hai Abr-e-Rehmat Yazdaan Baras Pare
Zulfon Ki Chaaon Daal Bari Tez Dhoop Hai,

Ab Shaher-e-Arzu Mein Woh Ranaiyaan Kahaan
Hain Gul Kaday Nidhaal Bari Tez Dhoop Hai,

Samjhi Hai Jis Ko Saaya Umeed Aqal-e-Khaam
"Saghar" Ka Hai Khiyaal Bari Tez Dhoop Hai.
By: Admin Category: Poetry SMS 302 Likes 2 Months ago


Mohabbat Thaher Jaati Hai
By: Admin Category: Poetry SMS 297 Likes 2 Months ago


Add Your SMS

Pages: (1|306)
1 Next »

Jump To: